«Կանաչ տան» մոտակայքում են գտնվում զբոսաշրջության համար մեծ հետաքրքրություն ներկայացնող «Յելլ Էքսթրիմ Պարկ» և «Լաստիվեր անապատ» զբոսաշրջային կենտրոնները, իսկ 30 կմ հեռավորության վրա գտնվում է 13-րդ դարում կառուցված «Մակարավանք» վանական համալիրը:

 

«Կանաչ տունը» Երևան քաղաքից գտնվում է 142 կմ, իսկ մարզկենտրոն Իջևանից՝ 12 կմ հեռավորության վրա, որտեղ կարելի է հասնել Երևան-Իջևան M4 ավտոճանապարհով, իսկ Իջևան քաղաքից՝ դեպի հյուսիս-արևմուտք Ենոքավան համայնք տանող ասֆալտապատ ավտոճանապարհով։ Ենոքավան համայնքից «Կանաչ տուն» կարելի է հասնել ինչպես ոտքով, այնպես էլ բոլոր տեսակի ավտոմեքենաներով, համայնքի կենտրոնական մասից հյուսիս-արևելյան ուղղությամբ հողածածկ ավտոճանապարհով 3 կմ անցնելուց հետո:

 

Հայաստանի մայրաքաղաք Երևանից 2 ժամ հեռավորության վրա և Վրաստանի մայրաքաղաք Թբիլիսիից 2,5 ժամ հեռավորության վրա գտնվող «Կանաչ տունը» իսկական դրախտ է նրանց համար, ովքեր ցանկանում են համատեղել ընտանեկան ջերմ մթնոլորտն ու խաղաղ միջավայրը: